5-6 martda keçiriləcək buraxılış imtahanının nəticəsi aprelin 1-nə qədər elan olunacaq

"Buraxılış imtahanında iştirak ödənişsizdir".

Bunu Dövlət İmtahan Mərkəzinin mətbuat xidmətinin rəhbəri Xanlar Xanlarzadə bildirib. Onun sözlərinə görə, qəbul imtahanının ikinci mərhələsinin birinci cəhdi üçün ilk dəfə imtahan verənlər də ödəniş etmirlər.

X. Xanlarzadə deyib ki, buraxılış imtahanları martın 5-6-da və 12-13-də həyata keçiriləcək:

"Güman edirəm ki, martın 5-6-da keçirilən buraxılış imtahanlarının nəticəsi aprel ayının 1-nə qədər elan olunacaq" - o deyib.