Deputat: “İşğaldan azad edilmiş ərazilərdə tikilən turizm obyektlərinə, digər infrastruktur layihələrinə vergi güzəşti tətbiq etməliyik”

“Turqut Özal vaxtilə hakimiyyətdə olarkən Türkiyənin turizm qapılarını dünyaya açdı”.

Bunu Milli Məclisin bu gün keçirilən iclasında deputat Aqil Abbas deyib.

Deputat bildirib ki, o vaxt Türkiyədə dəniz qırağında tikilən turizm obyektlərindən vergi tutulmaması barədə qərar verilib: “İndi biz də işğaldan azad edilmiş ərazilərdə tikilən turizm obyektlərini, digər infrastruktur layihələrini heç olmasa 5 il müddətinə vergidən azad etməli, ya da vergi güzəşti tətbiq etməliyik. Bu zaman orada daha tez bərpa işləri gedəcək, infrastruktur qurulacaq”.